டெக்ஸ் வில்லர் 600 - எமனின் திசை வடக்கு – Demons of the North

நண்பர்களே,

நெடுநாட்களாக லயன் / முத்து காமிக்ஸ் இதழ்களின் புத்தம் புதிய புத்தகங்களை படிப்பதிலேயே நேரம் கழிந்ததால் புதியதாக பதிவிட தோன்றவில்லை. மன்னிக்கவும் ஆனால் கடந்த 45 / 50 நாட்களாக புத்தகங்கள் எதுவுமே இல்லாததால் இந்த (விஷப் பரிட்சையில்) பரிசோதனை முயற்சியில் இறங்கினேன். ஆமாம், தமிழில் ஒரு ஸ்கான்லேஷன் முயற்சி இது.

சரி, ஸ்கான்லேஷன் செய்வது என்று முடிவாகிவிட்டது. எந்த கதையை செய்யலாம் என்று யோசித்துக் கொண்டு இருந்த வேளையில் தமிழ் காமிக்ஸின் சூப்பர் கவ-பாய் டெக்ஸ் வில்லர் நினைவுக்கு வந்தார். சமீபத்தில் ஒரு டவுன்லோட் தளத்தில் அவரது ஒரு புத்தம் புதிய சாகசத்தை படித்தது நினைவுக்கு வந்தது. ஆகையால் அந்த கதையையே ஸ்கான்லேஷன் செய்யலாம் என்று முடிவெடுத்தேன்.

கதைகளை உருவாக்கும்போதே வண்ணத்தில் உருவாக்கினால் ஒழிய டெக்ஸ் வில்லர் கதைகளை கலரில் வெளியிடப்போவதில்லை என்று விஜயன் அவர்கள் கூறி இருந்ததால் பல கதைகள் (வெளிவந்து பல ஆண்டுகளுக்கு பின்னர்) வண்ணமயமாக்கப்பட்டு வந்தாலும் அவற்றை கருப்பு வெள்ளையிலேயே வெளியிட்டு வருகிறார் நமது லயன் காமிக்ஸ் எடிட்டர். உதாரணம் - சமீபத்தில் வெளியிடப்பட்ட காமிக்ஸ் கிளாசிக்ஸ் தலை வாங்கி குரங்கு.

அதனாலேயே  வண்ணத்தில்  வெளியிடப்பட்டுள்ள இந்த  கதையை எடிட்டரின் பார்வைக்கு கொணர விரும்பினேன். அதனாலேயே இந்த ஸ்கான்லேஷன் முயற்சி.

முழு கதையையும் வெளியிடுவது சட்டப்படி தவறு என்பதால் இங்கே இதனுடன் முடித்துக்கொண்டு மற்றவற்றை உங்களின் கற்பனைக்கே விட்டுவிடுகிறேன்.முழு கதையையும் டவுன்லோடு செய்ய இங்கே அமுக்கவும்: எமனின் திசை வடக்கு – Thanks to Tamim

கல்லறையில் இருந்து ஒரு (டெலிபோன்) கால்

சென்ற பதிவில் அடுத்த வாரம் பார்க்கலாம் என்று சொல்லிவிட்டு சென்றாலும் சென்றேன், அடுத்து மூன்று மாதங்கள் கழித்தே இங்கே வர முடிகிறது. இடையில் ப்ளாக் பாஸ்வர்ட் மறந்துபோய்,பின்னர் ப்ளாக்கே அழிக்கப்பட்டு, மூன்று நாட்களுக்கு முன்புதான் சரி செய்ய முடிந்தது. ஏதோ கூகுளில் பாஸ்வர்ட் திரும்ப பெரும் ஆப்ஷன் இருந்ததால் முடிந்தது. நன்றி கூகுளாரே.

இந்த முறை நாம் தமிழில் படிக்கவிருப்பது ஒரு திகில் கதை. முன்பு சொன்னதுபோல ஒரு கருப்புகிழவி கதையைத்தான் பதிவிட நினைத்திருந்தேன். ஆனால், நம்ம எடிட்டரும் தீவிர வாசகர்களும் ஏதாவது நினைப்பார்களோ என்று அதை விட்டு விட்டு இந்த கதையை தேர்ந்தெடுத்தேன். ஏன் இந்த கதை என்றால், இந்த கதையின் ஓவியர் நமக்கெல்லாம் பரிச்சயமானவர் – al williamson. இவர்தான் நம்ம காரிகன், ப்ளாஷ் கார்டன் கதை ஓவியர் (மேலும் விவரங்கள் வேண்டுமென்றால் கூகிளில் தேடுங்கள் பாஸ்,அங்கே ஆங்கிலத்தில் இருப்பதை இங்கே தமிழில் ட்ரான்ஸ்லேட் செய்ய நான் விரும்பவில்லை).

 

இந்த கதை ட்வைலைட் ஜோன் என்கிற Gild key காமிக்ஸ் இதழில் 1973ம் ஆண்டு மே மாதம் வெளிவந்தது. கதையை எழுதியவர் யார் என்று தெரியவில்லை. தெரிந்தவர்கள் பின்னூட்டமிடவும்.

மின்னல் வீரன்

ரொம்ப நாளாக காமிக்ஸ் கதைகளை அமைதியாக படித்துக்கொண்டு வருகிறேன். கிட்டத்தட்ட பத்து பதினைந்து  வருடங்கள்.ஆனாலும் இதுவரையில் ஒரே ஒரு வாசகர் கடிதமோ, அல்லது ஆன்லைனில் பின்னூட்டமோ இட்டது கிடையாது.

இந்த ஆண்டை தமிழ் காமிக்ஸ் மற்றும் தென்னக காமிக்ஸ் வரலாற்றில் ஒரு watershed year என்றே சொல்லவேண்டும். இங்கே பெங்களூரிலும் காமிக்ஸ் கதைகள், பழைய pulp fiction குறித்து ஒரு ஆர்வம் தோன்றியுள்ளது (இன்றைய டெக்கன் குரோனிக்கல் பேப்பரிலும் மெஜஸ்டிக் புத்தக கடையை பற்றி ஒரு கட்டுரையே வந்துள்ளது).

எனக்கும் காமிக்ஸ் கதைகளை படிக்கும்போதெல்லாம் ஒருமுறையேனும் காமிக்ஸ் எடிட்டராக அவரது பணியை ஒருநாளாவது செய்ய ஆசை. ஆனால் இதுவரை நடக்கவில்லை (இனிமேலும் நடக்குமா என்றால், நடக்காது/தெரியாது).

அப்படி காமிக்ஸ் புத்தக எடிட்டராக ஆசைப்பட்டதின் விளைவே இந்த வலைப்பூ. இங்கே காபிரைட் உரிமை இழந்த கதைகளை நான் தமிழாக்கம் செய்ய உத்தேசித்துள்ளேன். சில வேளைகளில் அவை இன்னமும் காபிரைட் பெற்று இருப்பதாக தெரியப்படுத்தினால் அவற்றை எடுத்து விடுவேன். ஆகையால், காமிக்ஸ் எடிட்டராகும் என் கனவு இந்த வலைப்பூ மூலம் இன்று நிறைவேறுகிறது.

முதல் கதையாக மின்னல் வீரன் என்கிற கதை. அதென்னமோ தெரியவில்லை, கவ் பாய் கதைகள் எனக்கு சிறு வயது முதலே கொள்ளைப்பிரியம். ராணி காமிக்ஸ் இதழ்களில் படித்த பல கதைகளை இப்போதும் என்னால் மிகவும் தெளிவாக நினைவு கூற இயலும். நான் படித்த முதல் ராணி காமிக்ஸ் நாலாவது பலி. அதன் பின்னர் அனைத்து கதைகளையும் படிக்க ஆரம்பித்து விட்டேன். அப்படி ரசித்த ஒரு கதைதான் மின்னல் வீரன். ஆனால் அந்த கதையை என்னால் தேடிப்பிடிக்க முடியவில்லை. அதனால் இந்த மின்னல் வீரன் கதை முதல் போஸ்ட் ஆக இங்கே ஆரம்பமாகிறது.

முன் குறிப்பு: இங்கே ஸ்கான் செய்து பக்கங்களை நிரப்ப என்னால் இயலாது. ஆகையால் ஸ்கான் பக்கங்களை எதிர்பார்த்து இங்கே வராதீர்கள். இங்கே உள்ளவை நான் ஸ்கான் செய்தவை அல்ல.

இந்த கதையின் அந்த கடைசி வரிகள் எனக்கு மிகவும் பிடித்தமானவை. ஆகையால் இந்த கதையை என் வலைப்பூவின் முதல் கதையாக தேர்ந்தெடுத்தேன். இதைப்போன்ற வித்தியாசமான ட்விஸ்ட் கொண்ட கதைகள் எனக்கு மிகவும் பிடிக்கும்.

இந்த கதையை எழுதியவர் (stan lee), இதற்கான ஓவியங்களை வரைந்தவர் (al williamson) பற்றி ஆன்லைனில் தேடினால் நிறைய தகவல் கிடைக்கும். அதையெல்லாம் சொல்லி உங்களை நான் போரடிக்க போவதில்லை. ஒரு கதையை ரசிக்க, கதையும் சித்திரங்களுமே போதும் என்பது என்னுடைய தாழ்மையான கருத்து.

அடுத்த கதையாக நமக்கெல்லாம் மிகவும் பரிச்சயம் ஆன கருப்பு கிழவி கதையா அல்லது அறிமுகமான வேறொரு கவ் பாய் கதையா என்பதை இன்னமும் தேர்ந்தெடுக்கவில்லை. (யாராவது) இந்த வலைப்பூவை மேய்ந்தால், அவர்கள் தெரிவிக்கலாம். அடுத்த ஞாயிறு அன்று அடுத்த கதை.

Adios amigos.